Mashtrimi i Albin Kurtit: “Shporta e konsumatorit kosovar do të jetë edhe më rëndë nga pesha, edhe më e lirë nga çmimi”

Kështu premtonte opozitari Albin Kurti, por që nga ardhja e tij në pushtet ka ndodhur krejtësisht e kundërta. Gjatë 6 viteve në Qeveri me Kurtin: shporta e konsumatorit kosovar është bërë më e lehtë nga pesha dhe më e shtrenjtë nga çmimi. Kurti kishte premtuar se shporta e konsumatorit do të bëhej më e lirë nga çmimi, sepse me ardhjen e tij në pushtet, TVSh-ja do të bëhej 0% për bukën, miellin, vajin, sheqerin, kripën, qumështin dhe arsimin, shkruan Demokracia.com. “Për gjërat elementare ushqimore si buka, mielli, sheqeri, vaji, kripa, qumështi dhe arsimi, ne këto do t’i përjashtojmë nga TVSh-ja. Kësisoj, shporta e konsumatorit kosovar do të jetë edhe më rëndë për nga pesha, edhe më e lirë nga çmimi”, premtonte opozitari Albin Kurti. Por, këto premtime janë pjesë e “shportës së mashtrimeve” të Kurtit dhe Vetëvendosjes që premtuan dhe mashtruan qytetarët me zotime që nuk u realizuan në praktikë, duke lënë pas një realitet krejtësisht të kundërt me atë që ishte premtuar gjatë fushatave elektorale. Pa përfshirë çmimin e energjisë elektrike të rritur të paktën 3 herë vetëm gjatë Qeverisë Kurti, po ashtu edhe çmimi i bukës, miellit, sheqerit, vajit, kripës, qumështit – nuk ka rënë, por është rritur. Në këtë situatë, Kurti nuk ka ndërmarrë asnjë hap në drejtim të përmbushjes së premtimeve të tij, por përkundrazi, heshtja dhe ikja nga përballja me këto probleme kanë nxjerrë në pah mungesën e përgjegjësisë për t’i shërbyer qytetarëve të cilët e votuan. / Demokracia.com /