13
Boksieri shqiptar Nelson Hysa ka arritur dakordësinë me ekipin e Tyson Fury-t për t’u përballur në një ndeshje historikë në Angli. Ky duel i peshave të rënda do të jetë më i rëndësishëm në sportin shqiptar, pasi britaniku mban vendin e 4 në botë, ndërsa më herët ka qenë kampion i padiskutueshëm.
Tyson Fury, i njohur si ‘Gipsy King’, numëron miliona ndjekës në të gjithë botën, ndërsa ka shpallur objektivin për t’u rikthyer sërish si numri 1. Ai është dakordësuar për një ndeshje në nëntor me Anthony Joshua-n, por para kësaj duhet të kalojë fillimisht titanin shqiptar. Në karrierën e tij Nelson Hysa numëron 24 ndeshje në boksin profesionist. Të 24 të fituara dhe 22 prej tyre kanë qenë me nokaut. Tani është koha e së vërtetës.
