Australia ka siguruar një titull historik të gjashtë radhazi në garën ekipore të Kampionatit Botëror për çarjen e druve (“Stihl Timbersports”).
Kompeticion i druvarëve u zhvillua pak ditë më parë në Milano. Skuadrat u përballën në duele direkte në katër disiplina: sharrim me motorsharrë (stock saw), sharrim me sharrë dore (single buck), prerje me sëpatë nga poshtë (underhand chop) dhe prerje me sëpatë horizontalisht (standing block chop). Një përballje kokë më kokë mes ekipeve, ku skuadra fituese kualifikohej në raundin pasues.
Në finale, kampionët në fuqi, “Chopperoos”, u treguan të pamposhtur, duke përfunduar stafetën me katër prova për 47,45 sekonda, gati dhjetë sekonda më shpejt se Suedia, e cila fitoi medaljen e argjendtë me 57,26 sekonda.
Ky triumf shënon medaljen e dhjetë të artë për Australinë në kategorinë ekipore. Në garën për vendin e tretë, Zelanda e Re dhe Polonia u ndeshën për medaljen e bronztë, me polakët që triumfuan me një kohë 53,55 sekonda kundrejt 59,58 të rivalëve.
